Alaaf, gaef mich mer Zitterd.
Veural mit Carnaval.
Alaaf de lol in Zitterd.
Dae sjteit dao baovenal.
Want dao zuuste pas verkleide.
Jao dao sjtaon ze ver bèkend.
Achter ei lelik maske,
zit ‘t allersjoonste kèndj.
Alaaf, gaef mich mer Zitterd.
Veural mit Carnaval.

Sjang waar lès mit zien vrouw aan ’t euverlèkke
De sjpas en lol die bèn ich wurk’lik zat
Laot òs daoròm mit Carnaval vertrèkke.
De wènjtersiport èns ruule veur oos sjtad.
Dat woort gedaon, mer nao ei paar daag later,
kreeg me zo’n heimwee nao de lol en sjpas.
Sjang zach, hiej zitte ei paar sjoon verkleide,
hauw ich de bolhoud mer mit sjluppe-jas.

En waat die twee zich ouch noch òngernòmme,
’t Carnavals-idee leit hun neit los.
Begoosje gauw de koffesj weier te pakke.
Sjang zach ’t blif egaal ouch waat ‘t kos,
Ich gaon twee vleigtuugkaarte mer besjtèlle,
dat brink òs in de kortste tied nao hoes.
En zouwe veer ‘I neit op tied mee haole,
veur ’t heringbiete zen veer zeker toes.

Tekstdichter : Lei Meijers
Componist : Wil Wijnands en Bert v. Bunningen 
Uitvoerende(n) : Thei Hunnekens