Maske, maske, kom ens hiej, kom ens hiej.
Maske, maske, ich ben zo bliej, ben zo bliej.
Doe bes sjoon verkleid, dat is waat mich get deit.
Maske, maske, kom ens hiej, kom ens hiej.
Maske, maske, ich ben zo bliej, ben zo bliej.
Drie daag saame oet, drenk dich dien beier ens oet.

Al waeke prakkezeier ich weier, wat doon ich toch weier aan?
’t Veurig jaor waar ich zo sjoon verkleid es ein banaan.
Mer wie d’r wit, dat fruit van doe dat hiljt zich neit zo lang,
en noe mit die banaan op sjtraot, dat sjtink waal ben ich bang.

De eesjte toone heur ich al, ich hawt ’t neit meer vol.
De sjoone tied is weier dao, d’n tied van sjpas en lol.
Noe gauw nao baove in die doos, ich trek mich mer get aan,
ich mot verkleid de sjtraot opgaon, al is ’t es banaan.

Tekstdichter en Componist : Math Niël   
Uitvoerende(n) : Thei Hunnekens