Ooze Sjang, dae blees bie oos in de fanfaar,
de hoogste toone, mer die klinke waal ens raar.
Lets kreeg ooze Sjang eine ganse dikke kop.
Hauw ‘r mit zien proem die ganse trööt versjtop.

In oos flet, ’t is mich get, is de buurman muzikaal.
Wie ventj geer dat waal, de buurman muzikaal.
Ester blees, is ’t fees, krig de ganse flet gein roe.
De ganse buurt sjmit dan de vinster toe.

’t Waar ens laat en get naat, doe Sjang nao hoes koum, zaat,
sjtong de vrouw paraat, sjloug mit Sjang ’t raad.
Sjmeet de trööt in de gööt, en doe waar ’t fees gedaon.
De ganse flet koosj röstig sjlaope gaon.

Tekstdichter en Componist : Giel Laumen en Thei Hunnekens
Uitvoerende(n) : Thei Hunnekens