Truuke waor al 3 maol ellef en get bleu,
’t Vönj mer geine leifste‚ dat waar toch waal sjneu.
Häör ténj Sjtönge ram sjeif, zie leip get oet ’t lood
Die töttel maakde häör noe neit bepaald eine sjtoot.

Sjnap mich nog ens vas, Haol alles oet de kas,
Gekleurd of blank, te sjmaal, te breid,
Dat sjteurt mich neit, dus
Sjnap mich nog ens vas,
Dan maak veer same sjpas
En blieve veer d’n ganzen tied biejein!

Es tieger in d’n optoch trok ’t door de sjtad,
Dao heurde zie getrömmel dach verrek‚ was dat?
In leeuwevel zoug zie ‘m bezig, gans allein.
Al waar d’r rondj en klein, zie veil veur häöm metein

Zumba koum oet Afrika nao ’t Zittesj landj,
Zo vanoet de Kongo oppe wal belandj
Op blote vuit gong hae drie daag op beeste-jach
hae haw begrepe dat, hie richtig woort gesjlach

Oppe Mert dao trömde hae d’r flink op los,
Zo lokde hae die tiegerin nao de kios
En sjoot hae Truuke, jao dat maedje woort zien prooi
Zie laeve daag en nach, noe same in zien kooi

Zo zuuste, wie of waats-te bés, t maak niks oet‚
Doe bés biezénjer, ein richtig wénjer,
Dat giljt veurjederein‚ bejaard of nog mer poet,
Dus bröl veer same tot besjloet

Tekstdichter : Theo Weijman
Componist : Mark Willems 
Uitvoerende(n) : Paul Ruigt