’t Laeve is gejaag mit heel väöl drökke daag
’t Ganse jaor dan heure veer, Doot dit!, Doot dat!
Agenda knatsjevol, te weinig sjpas en lol.
Mer sjnipperdaag haw ich gaer zjwart op wit gehad.
Mien baan die is bes leuk wil ze neit kwiet.
Maar dat wirke kos waal gans väöl vrieje tied.
En geit ’t d’r op aan, dan is alles van de baan.

Noe effe neit!
Want veer viere vastelaovend hie bie ós,
Noe effe neit!
Dus veer sjmiete lekker jao ech alle remme los.
Noe effe neit!
Veer zette hie gans Zitterd oppe kop dus zègk veer,
Noe effe neit!
Bel ós nao die daag mer op.

Lewie dae is nog flök maar waal ein bietje drök.
Es dae begint te moele höbste pech gehad.
Doe krigs de volle laog jao zellefs ongevraog.
Dan toete dich de oore bes ’t ech waal zat.
En dènkste bie dich zelf ich mot noe gaon,
Angesj krieg ich veur d’n optoch niks gedaon.
Hawt mich neit aan de kal, mot gaon plekke in de hal.

Ós Nel is tachtig jaor sjteit altied veur dich klaor.
De jaore gaon waal tèlle maar ’t vilt nog mit.
Haet ummer gouwe zin sjot gaer ein dröpke in.
Veural mit vastelaovend wie toch jeder wit.
En kump d’n daag dat Petrus häör verwach.
Dan laef Nel gans op en haet ze zich bedach.
Ze zaet dan taege Pit, jong ich gaon nog lang neit mit

Tekstdichter en Componist : Petro Willems en Ed Geilen 
Uitvoerende(n) : Gein Haor Baeter