De kat dat waar ein heilig bees in ’t landj van farao
In India dao zeen ze maf die sjtoppe veur ein kou
Ei paerd dat dreeg ein houfiezer me zuut dat brink gelök
En veer in Zitterd höbbe get kump jeder jaor weier trök

Oos pappegey, oos pappegey, die is weier trök
En es die op häör neske zit dan kriege veer ’t drök
Oos pappegey, oos pappegey oos vastelaovessjtök
En es die dan in Zitterd is die bringk os väöl gelök
Went es die weier in Zitterd is, is vastelaovend trök

De wèntjertied, geer kent ‘m waal den tied van ieskaw hènj
En gans get veugel vleige dan nao anger wermer lènj
D’n oojevaar, ’t sjwerbelke me zuut gein biej, gein mök
Me reine kump in deezen tied op zien Zittesj nèskte trök

Pappegeyke och dan vraog ich dich blief Zitterd altied troe
Doe sjlatevogel oos simbool vastelaovend dat bes doe
Jaor in jaor oet sjteis doe paraat en maaks mit ós behey
Dróm blifs doe door de jaore haer oos aller pappegey

Oos pappegey, oos pappegey, die is weier trök
En es die op häör neske zit dan kriege veer ’t drök
Oos pappegey, oos pappegey bringk vastelaovessjpas
Oos pappegey, oos pappegey bringk vastelaovessjpas
Oos pappegey, oos pappegey bringk vastelaovessjpas

Tekstdichter en Componist : Phil Schaeken 
Uitvoerende(n) : René Dirkx