Want ich bèn ummer de lètste, sjloet ummer de tent.
Wil altied d’r bie zeen, en mis gein moment.
Vastelaovend in Zitterd, ich kèn toch neit zónger dich
Dus blief nog get plekke, de lètste bèn ich.

Vastelaovend in Zitterd ‘t sjoonste waat is
’t fees dat mien hart vlotter sjlaon deit
Mót euveral bie zeen zodat ich niks mis
Bèn bang dat mich get langs de naas geit
D’róm hawt ich dan paol bèn kepot wie ein paerd
En waer dan es lètste d’r oet gekaerd.

D’n optoch op zóndig, ’t tröötekónkoer,
Op daensdig de appelesiene
En gounsdig dan sjmaak ós de hering in’t zoer,
De vastetied zal dan versjiene.
Bèn euveral bie, bèn de lètste dae sjteit
De man dae es lètste heivesj geit

Maar drènk nooit de lètste, dat zag miene pap,
Dan is ’t te laat en zit ‘se in de’n hemel aan de’n tap

Lay lay…
Lay lay…
Vastelaovend in Zitterd, ich kèn toch neit zónger dich
Dus blief nog get plekke, de lètste bèn ich.
Vastelaovend in Zitterd, ich kèn ech neit zónger dich
Dus blief nog get plekke ich wil neit vertrèkke wat kan ’t verèkke,
de lètste bèn ich. De lètste bèn ich. De lètste dat bèn ich!

Tekstdichter en Componist : Petro Willems en Ed Geilen    
Zang : Gein Haor Baeter