Oppe tied, oppe tied, oppe tied,
Gaon veer aan de sjlaag
Oppe tied, oppe tied, oppe tied,
Zodat veer vaerdig zin veur al die sjoon daag
Oppe tied, oppe tied, oppe tied,
Sjus wie de bloume in ’t graas
En es de appelsiene raege op mien kopke vilt
Dan sjtaon ich gans veuraan,
Mit mien sjoonste pekske aan
Dat haw ich ech op tied al aaf,
Zodat lch ech niks mis,
Went ut enjtelings vastelaovend is.

De krokusse die sjtaeke al hun kopkes oet de gròndj
En sjpienze ens veurzichtig in ’t zittesj stedje ròndj
De hyacint die twiefelt nog, die vintj ‘t nog te kawd,
Terwiel de tulp allang haor rooje blaedjes haet ontvawt
En es ’t zunke oppe tied mer op hun bolkes sjient
Zo dat dan ouch ’t letste reske wentjer verdwient
Jao dan, jao dan is alles klaor
Veur ut sjoonste feeske van ’t jaor

De einzelgengers en awwiever wirke zich kapot
De bekkesj doon hun bes al veur de sjoonste nonnevot
De sjoole en de buurte wirke waeke achterein
En wageboewesj komme in de optochhal biejein
En es ’t zunke oppe tied mer op hun bolkes sjient
Zodat ut sjoonste maske in den optoch versjient
Jao dan, jao dan is alles klaor veur ’t sjoonste feeske van ’t jaor

Tekstdichter en Componist : Marlou Obers
Zang : Marlou Obers en BS de Hoefer