Mós doe neit eine gaeve, of bèn ich weier aan de beurt,
Doe wits toch wie ’t heurt, doe wits toch wie ’t heurt.
Mós doe neit eine gaeve, laot eins gaon veer höbbe doosj,
De vastelaovend is begoosj

Wo höbs doe oetgehange jóng, wo waas doe al dae tied
Waars doe ós vergaete of bès doe dien beusj soms kwiet
Of waas ’t bie ’t bónne haole, veur dich väöl te drök
Doe wits toch veer van Zitterd gaeve ummer eine trök

Höbs doe soms mótte pinne, en dien vrouw sjtóng naeve dich,
En koosj doe niks verzinne, wie zie vroug is dat veur mich.
Of waas doe get gaon aete, en haet dat te väöl gekos,
Doe bès mich eine fraaje, ummer is mit dich get los.

Noe is ’t vastelaovend, en de sjtömming kump goud op gank,
Mer höbbe niks te drénke en veer wachte al zo langk
Noe sjteis doe dao te kieke, want d’n optoch trèk veurbie
Gank noe éns get besjtèlle jóng dan wachte veer waal hie

Tekstdichter en Componist : Ger Muijrers
Zang : Sjtóm Toeval