Veer tèlle hie van ‘1, 2, 3’
En dan is ‘t laeve al dao
Ein dansmarie, ein hermenie
Die danse veer noe achternao
‘Kènt-ummer-nog’ hingk in de lóch
De zin in ein feeske óntloek
Drie tèlle mer dat is genóg
Dan vuilste ’t in diene boek
Dae kriebel-iebel-iebel-iebel hie
Dae kriebel-iebel-iebel-iebel hie

Dan is ‘t 1, 2, 3…vastelaovend
En veer zeen wie gekke zo blie
Allein mer 1, 2, 3…vastelaovend
En veer kómme ech neit meer bie
Es hie mit sjmaak wurd laam gemaak
En de richtige sjnaor wurd geraak
Dan is ’t 1, 2,3…vastelaovend
En veer gaon kómpleet oet ós daak

De tróm geplek, de träöt gezóch
Dan waere die nog èns gebroek
Drie tèlle mer dat is genóg
Dan vuilste ’t in diene boek
Dae kriebel-iebel-iebel-iebel hie
Dae kriebel-iebel-iebel-iebel hie

Sjus waar hie nog niks te belaeve
Vervaeling dae loug oppe loer
Mer ein moment en de ganse tent
Sjteit te danse oppe vloer

Tekstdichter en Componist : Thei Wessels
Zang : Sjtóm Toeval