De motor dae mót dreje, dus sjmörges sjpek mit ei
Doe wils dae daag gaon sjräöme en dat ohne bezej
Veer trèkke door de sjtraote, jao hie is alles kits
Mer wie-s te goud op gank bès, is de daag óm veur se ‘t wits

Wo brent nog leich?
Dao trèkke veer nao bènne
Dao wo kapelkes oppe taofel sjtaon
Wo brent nog leich?
Dao trèkke veer nao bènne
Veurluipig zeen veer dao nog neit weg te sjlaon
Wo mènnig glaeske wurt gelaeg,
Mit verkesblaoze wurt gevaeg,
Dao wurt gezónge en gelach,
Gedans pès midde in de nach

Jao vastelaovend viere, dat doon veer toch zo gaer
Get sjanse en awhoore, dat doon veer toch mit kaer
Dan sjooj veer door ós sjtedje, mit ein versjlete vaan
Ein valsj klein hermenieke en get gekke drachter aan

’t Is duje en get pratsje, mer jóng waat wurt ’t drök
Mit verkesköp en patsje, val bienao van mien krök
’t Is bienao aafgeloupe, verdomme is dat zunj
Dus trèk mer aan die bel, dan kump de allerlèste runj.

Noe geit me hie ouch sjloete
En sjtaon veer weier op sjtraot,
Verrèkdes kawt hie boete
Mer da’s ós lèste maot